حماس اسرائیلی یرغمالی رہا کرے ، کل ہی جنگ بندی ہو جائے گی ، صدر جوبائیڈن

جوبائیڈن (joebiden)

امریکی صدر جوبائیڈن نے غزہ جنگ بندی اسرائیلی یرغمالیوں کی رہائی سے مشروط کرتے ہوئے کہا ہے کہ حماس یرغمالیوں کو رہا کرتا ہے تو کل ہی جنگ بندی ہو جائے گی۔

صدر بائیڈن نے کہا کہ اگر اسرائیل نے رفح پر مزید حملے کیے تو ہم اسرائیل کو ہتھیار فراہم نہیں کریں گے کیونکہ ہم معصوم شہریوں کا قتل عام نہیں چاہتے۔

غزہ جنگ بندی کیلئے قاہرہ میں قطر ، مصر ، حماس اور امریکا کے مذاکرات

دوسری جانب مختلف میڈیا رپورٹس میں کہا جا رہا ہے کہ امریکا نے رفح میں بڑا آپریشن روکنے کے لیے اسرائیل کو حماس رہنماؤں کی خفیہ معلومات فراہم کرنے کی پیشکش کی ہے۔

واضح رہے کہ 7 اکتوبر سے غزہ پر جاری اسرائیلی حملوں میں اب تک 34 ہزار سے زائد فلسطینی شہید ہو چکے ہیں جبکہ 78 ہزار سے زائد فلسطینی زخمی ہیں جن میں خواتین اور معصوم بچے بھی شامل ہیں۔


متعلقہ خبریں