کیلیفورنیا: سرچ انجن گوگل نے اپنے صارفین کی انگلش بولنے کی صلاحیت کو بہتر بنانے کے لیے نیا فیچر متعارف کرا دیا۔
غیر ملکی خبر رساں ایجنسی کے مطابق آرٹیفیشل انٹیلی جنس ٹیکنالوجی (اے آئی) پر مبنی یہ فیچر ’اسپیکنگ پریکٹس‘ ہے جو کہ ابھی آزمائشی مراحل میں ہے۔
اس فیچر کے لیے ذریعے گوگل صارف کو انگریزی بولنے کی صلاحیت بہتر کرنے میں مدد ملے گی۔
یہ بھی پڑھیں: واٹس ایپ کی بھارت میں اپنی سروس بند کرنے کی دھمکی
اسپیکنگ پریکٹس تک رسائی کے لیے صارفین کو پہلے گوگل سرچ ایپ سیٹنگز میں سرچ لیبز کو فعال کرنا ہو گا۔ آپشن آن کرنے کے بعد صارفین ’ٹرائی این اگزیمپل‘ پر کلک کر کے اسپیکنگ پریکٹس ڈھونڈ سکتے ہیں۔
رپورٹس کے مطابق فی الحال یہ فیچر ارجنٹینا، کولمبیا، بھارت، انڈونیشیا، میکسیکو اور وینوزویلا میں متعارف کرایا گیا ہے۔
