کاروباری ہفتے کے پہلے روز انٹربینک میں ڈالر نے پھر اڑان بھرلی، قیمت میں معمولی اضافہ ریکارڈ کیا گیا۔
پاکستان کے مرکزی بینک کی جانب سے جاری اعداد و شمار کے مطابق آج کاروبار کےاختتام پرانٹربینک میں ڈالر 2 پیسے کے اضافے سے 277 روپے 95 پیسے پر بند ہوا۔
ایک ارب ڈالر یورو بانڈ کی ادائیگی کے انتظامات مکمل
صبح کاروبار کے آغاز پر انٹر بینک میں امریکی ڈالر 13 پیسے کی کمی کے بعد 277 روپے 80 پیسے پر ٹریڈ کر رہا تھا ۔ خیال رہے کہ گزشتہ ہفتے آخری کاروباری روز کے اختتام پرامریکی ڈالر 277 روپے 93 پیسے پر بند ہوا تھا۔
Interbank closing #ExchangeRate for todayhttps://t.co/yKRIAPUxLE#SBPExchangeRate pic.twitter.com/xvg1WkWSOQ
— SBP (@StateBank_Pak) April 8, 2024
دوسری جانب عالمی سطح پر خام تیل بڑھتی ہوئی قیمتوں سمیت دیگر معاشی چیلنجز کے باعث سونے کی قیمت تاریخ کی بلند ترین سطح پر پہنچ گئیں۔
بین الاقوامی بلین مارکیٹ میں سونے کی قیمت کے تمام سابقہ ریکارڈز ٹوٹ گئے ہیں جہاں فی اونس سونے کی قیمت 5 ڈالر کے اضافے سے 2355 ڈالر کی بلند ترین سطح پر آ گئی ہے۔
مقامی سطح پر سونے کی قیمت میں 4 ہزار 600 روپے کا اضافہ
پاکستان کی صرافہ مارکیٹوں میں پیر کو فی تولہ سونا 600 روپے کے اضافے سے 2 لاکھ 45 ہزار 700 روپے جبکہ دس گرام سونے کی قیمت 514 روپے کے اضافے سے 2 لاکھ 10 ہزار 648 روپے ہو گئی ہے۔
اس کے برعکس فی تولہ چاندی کی قیمت بغیر کسی تبدیلی کے 2650 روپے اور دس گرام چاندی کی قیمت 2271.94 روپے کی سطح پر مستحکم رہی ہے۔
سعودی گولڈ مارکیٹ میں سونے کی قیمت میں کمی
ماہرین کا کہنا ہے کہ مشرق وسطی بحران، اسرائیلی جارحیت کے بعد ایران اسرائیل کشیدگی اور امریکی سینٹرل بینک کی جانب سے شرح سود میں کمی کے بعد یورپین ممالک کی بھی سود میں کمی کی اطلاعات جیسے عوامل نے بین الاقوامی سطح پر سونے پر دباؤ بڑھا دیا ہے۔
