اسلام آباد کی ڈسٹرکٹ اینڈ سیشن کورٹ نے خاتون جج کو دھمکی کے کیس میں بانیٔ پی ٹی آئی عمران خان کو طلب کر لیا۔
کیس کی سماعت سول جج مرید عباس خان نے کی۔ عدالت نے بانیٔ پی ٹی آئی کو خاتون جج کو دھمکی کے کیس میں طلبی کے نوٹس جاری کر دیئے۔
احتجاج، توڑ پھوڑ کیس: عمران خان، اسد عمر، فیصل جاوید مقدمے سے بری
عدالت نے حکم دیا کہ سپرنٹنڈنٹ اڈیالہ جیل آئندہ سماعت پر بانیٔ پی ٹی آئی کو 3 اپریل کو پیش کریں۔ واضح رہے کہ گزشتہ سماعت پر وکلاء نے بانیٔ پی ٹی آئی عمران خا کی عدالت پروڈکشن کی درخواست دی تھی۔
خیال رہے کہ گزشتہ برس 20 اگست کو سابق وزیر اعظم عمران خان کے خلاف مجسٹریٹ علی جاوید کی مدعیت میں تھانہ مارگلہ میں انسداد دہشتگردی ایکٹ کے تحت مقدمہ درج کیا گیا تھا۔
