یورپی یونین کی جانب سے مشہور ٹیکنالوجی کمپنی ایپل پر مسابقتی قانون کی خلاف ورزی پر 53 کروڑ 90 لاکھ ڈالر جرمانہ عائد کرے گی۔
غیر ملکی خبر رساں ایجنسی کے مطابق ایپل پر یورپی یونین کے قوانین کی خلاف ورزی کا الزام ہے اور اسی وجہ سے جرمانہ عائد کیا جائے گا۔ یہ جرمانہ 53 کروڑ 90 لاکھ ڈالر (50 کروڑ یورو) تک ہو سکتا ہے۔
رپورٹ کے مطابق جرمانے کا اعلان اگلے مہینے کے شروع میں متوقع ہے۔
واضح رہے کہ یورپی کمیشن نے گزشتہ برس الزام عائد کیا تھا کہ ایپل ایپ اسٹور قواعد کے ذریعے میوزک اسٹریمنگ مارکیٹ میں مسابقتی قانون کی خلاف ورزی کر رہی ہے۔
یہ بھی پڑھیں: پاکستان: سائبر حملوں میں 17فیصد اضافہ
رپورٹ میں کہا گیا تھا کہ مذکورہ قانون کے تحت ڈیولپرز کی جانب سے اپنے صارفین کو میوزک کی خریداری کے حوالے سے آپشنز روک دیا گیا ہے۔
دوسری جانب یورپی کمیشن اور ایپل دونوں نے فنانشل ٹائمز کی رپورٹ پر ردعمل دینے سے گریز کیا۔
