بینوئی: پاکستانی کرکٹ ٹیم بنگلہ دیش کو شکست دے کر انڈر 19 ورلڈ کپ کے سیمی فائنل میں پہنچ گئی۔
جنوبی افریقہ میں جاری انڈر 19 ورلڈ کپ سپر سکس کے میچ میں پاکستان نے بنگلہ دیش کو 5 رنز سے شکست دے دی۔ بنگلہ دیش نے ٹاس جیت کر پاکستان کو پہلے بیٹنگ کرنے کی دعوت دی۔
پاکستانی ٹیم کے کھلاڑی پہلے بیٹنگ کرتے ہوئے 41 ویں اوورز میں 155 رنز بنا کر آؤٹ ہو گئے۔ عرفان منہاس 34 رنز اور شاہ ذیب خان26 رنز کے ساتھ نمایاں رہے جبکہ شامل حسین اور علی اسفند 19، 19 رنز بنا سکے۔
بنگلہ دیش کے باؤلرز روہانت دواللہ بورسن اور شیخ پرویز نے 4، 4 وکٹیں حاصل کیں۔
بنگلہ دیش کی کرکٹ ٹیم 156 رنز کے تعاقب میں 150 رنز ہی بنا سکے اور تمام کھلاڑی آؤٹ ہو گئے۔ ہدف کے تعاقب میں بنگلہ دیش کرکٹ ٹیم کی پہلی وکٹ 27 کے مجموعی اسکور پر گری۔
یہ بھی پڑھیں: پی ایس ایل 9سے قبل نسیم شاہ مکمل فٹ ہوگئے
بنگلہ دیش کے بیٹر محمد شہاب جیمز نے 26 رنز کے ساتھ نمایاں رہے جبکہ قومی کرکٹ ٹیم کے بیٹر عبید شاہ نے بہترین بولنگ کا مظاہرہ کرتے ہوئے 5 کھلاڑیوں کو آؤٹ کیا۔
پاکستانی باؤلرز کے شاندار کم بیک کے باعث کم اسکور کے باوجود پاکستان نے فتح اپنے نام کی۔ قومی ٹیم اپنا سیمی فائنل جمعرات کو آسٹریلیا کے خلاف کھیلے گی۔
