عام انتخابات 2024: تحریک انصاف کے امیدواروں کو انتخابی نشانات الاٹ کردیے گئے

عام انتخابات 2024: تحریک انصاف کے امیدواروں کو انتخابی نشانات الاٹ کردیے گئے

الیکشن کمیشن کی طرف سے آئندہ عام انتخابات کے لیے تحریک انصاف کے امیدواروں کو انتخابی نشانات الاٹ کردیے گئے، سابق اسپیکر قومی اسمبلی اسد قیصر ویل چیئر کے نشان سے الیکشن لڑیں گے۔

الیکشن کمیشن کے مطابق صوابی سے قومی اسمبلی کے حلقے این اے 20 سے شہرام ترکئی اور پی کے 49 سے رنگیز احمد کو فاختہ کا نشان الاٹ کیا گیا ہے۔ پی کے 51 میں عبدالکریم کو کیتلی اور پی کے 52 سے فیصل ترکئی کو گھڑیال کا نشان دیا گیا ہے۔

پشاور ہائیکورٹ کا فیصلہ کالعدم قرار، پی ٹی آئی سے بلا چھن گیا

ملتان کے حلقے این اے 150 سے شاہ محمود قریشی کے صاحبزادے زین حسین قریشی کو انتخابی نشان”جوتا” جبکہ این اے 151 سے انکی صاحبزادی مہر بانو قریشی کو انتخابی نشان “چمٹا ” الاٹ کیا گیا ہے۔

مظفرگڑھ سے قومی اسمبلی کے حلقہ این اے 175 سے پی ٹی آئی کے جمشید دستی کو ہارمونیم کا انتخابی نشان الاٹ کیا گیا ہے جبکہ این اے 176 سے انہیں ہوائی جہاز کا انتخابی نشان الاٹ کیا گیا ہے۔

این اے 177 سے پی ٹی آئی کے معظم خان جتوئی کو حُقہ، این اے 178 سے پی ٹی آئی کے داؤد خان جتوئی کو کی چین کا نشان الاٹ کیا گیا ہے۔ قومی اسمبلی کی نشست این اے 132 سے پی ٹی آئی کے محمد حسین ڈوگر کو کرکٹ اسٹمپس کا نشان الاٹ کیا گیا ہے۔

لال حویلی سے عمران خان کی تصاویر اور پی ٹی آئی کے پرچم اتار دیے گئے

پنجاب اسمبلی کی نشست پی پی 175 سے پی ٹی آئی کے سردار راشد طفیل کو بھی کرکٹ اسٹمپس کا نشان الاٹ کیا گیا ہے۔ این اے 108 سے پی ٹی آئی کے صاحبزادہ محبوب سلطان اور جھنگ  سے این اے 109 پر پی ٹی آئی کے شیخ وقاص اکرم  کا انتخابی نشان  چارپائی  ہوگا۔

اسی طرح پی کے 9 پر سلطان روم کو سبز مرچ اور پی کے 10 پر محمد نعیم کو فرائی پین کا نشان دیا گیا ہے۔


متعلقہ خبریں