سابق چیئرمین پی ٹی آئی کے خلاف توشہ خانہ کیس کی چارج شیٹ جاری کردی گئی ہے۔
پشاور کےارباب نیازکرکٹ سٹیڈیم میں تعمیراتی کام کب تک مکمل ہوگا؟ تاریخ سامنے آگئی
توشہ خانہ کیس کی چارج شیٹ کے مطابق وزرات عظمیٰ کے دوران سابق چیئرمین پی ٹی آئی اور بشریٰ بی بی کو 108 تحائف ملے۔
مختلف ممالک سے ملنے والے 108 تحائف میں سے 58 قیمتی تحائف ملزمان نے خود رکھ لئے،108تحائف میں سے بشریٰ بی بی نے 14 کروڑ روپے مالیت کے 58 تحائف اپنے پاس رکھے۔
اٹک ، ایک ہی گھرانے کے 4 افراد کے کاغذات نامزدگی منظور
سابق چیئرمین پی ٹی آئی نے سعودی ولی عہد سے موصول ہونے والا جیولری سیٹ انتہائی کم رقم کے عوض رکھا،توشہ خانہ قوانین کے مطابق تمام تحائف توشہ خانہ میں رپورٹ کرنے لازم ہیں۔
تحقیقات میں معلوم ہوا بشریٰ بی بی کو سعودی ولی عہد سے جیولری سیٹ تحفے میں ملا ،جیولری سیٹ ملٹری سیکرٹری کے ذریعے توشہ خانہ میں رپورٹ تو ہوا لیکن جمع نہیں کرایا گیا۔
بشریٰ بی بی اور سابق چیئرمین پی ٹی آئی نے توشہ خانہ قوانین کی خلاف ورزی کی ہے،ملزمان نے اختیارات کا ناجائز استعمال کرتے ہوئے تحائف کی من پسند قیمت لگوائی۔
خیبر پختونخوا، سمر زون میں پرائمری اسکولوں کی چھٹیوں میں توسیع
سابق چیئرمین پی ٹی آئی اور بشریٰ بی بی نے جیولری سیٹ کی 90 لاکھ روپے ادائیگی کی،تحقیقات کے مطابق قیمت پرائیویٹ فرد سے لگوائی گئی جو اصل قیمت سے انتہائی کم تھی۔
جیولری سیٹ کی قیمت لگانے کیلئے دبئی کے ماہر سے بھی رابطہ کیا گیا ،سابق چیئرمین پی ٹی آئی اور بشریٰ بی بی نے قومی خزانےکو 15 سو 73 ملین روپے کا نقصان پہنچایا۔
شواہد، دستاویزی ثبوت اور انکوائری رپورٹ کی روشنی میں ملزمان کیخلاف ٹرائل شروع کیا جائے،توشہ خانہ ریفرنس میں نیب ملزمان کے خلاف 20گواہ پیش کرے گا۔
ٹیسٹ چیمپئن شپ: وائٹ واش نے پاکستان کو چھٹے نمبر پر پہنچا دیا
تحفے کا پرائیویٹ طور پر تخمینہ لگانے والاشخص بھی بطور وعدہ معاف گواہ پیش ہو گا،سابق وزیراعظم کےملٹری سیکرٹری اور ڈپٹی ایم ایس بھی گواہان میں شامل ہیں۔
ڈپٹی قونصلیٹ جنرل دبئی رحیم اللہ، توشہ خانہ کے سیکشن افسران بھی گواہی دیں گے،پی ایم آفس کے اسسٹنٹ سیکرٹری پروٹوکول زاہد سرفراز بھی نیب کے گواہ ہونگے۔
چیئرمین نیب نے توشہ خانہ ریفرنس میں تحقیقات شروع کرنے کے احکامات دیئے تھے۔
