غیر ملکی کوچنگ اسٹاف کے بعد سابق ٹیم ڈائریکٹر مکی آرتھر بھی پی سی بی سے راہیں جدا کرلیں گے۔
ذرائع کے مطابق پاکستان کرکٹ بورڈ اور مکی آرتھر کے درمیان معاملات طے پا گئے، وہ بھی جلد اعلان کرکے پی سی بی سے راہیں جدا کر لیں گے۔
ایسا لگا ورلڈکپ نہیں، بھارتی بورڈ کے ہوم ایونٹ کا میچ کھیل رہے، مکی آرتھر
مکی آرتھر بھارت میں ہونے والے ورلڈ کپ میں پاکستان کے ٹیم ڈائریکٹر تھے۔ ٹیم کی مایوس کن کارکردگی کے بعد پی سی بی مینجمنٹ کمیٹی نے غیرملکی کوچز کو ہٹا کر اکیڈمی میں رپورٹ کرنے کی ہدایت کی تھی۔
ورلڈ کپ کے بعد بائولنگ کوچ مورنی مورکل نے استعفیٰ دے دیا تھا۔ گزشتہ روز ہیڈ کوچ بریڈ برن بھی مستعفی ہو گئے تھے۔
واضح رہے کہ مکی آرتھر اس سے پہلے قومی ٹیم کے ہیڈ کوچ تھے ، کچھ عرصہ قبل پاکستان کرکٹ بورڈ نے انہیں ڈائریکٹر کے عہدے پر تقرر تعینات کر دیا تھا۔
پی سی بی کی طرف سے جارہ کردہ اعلامیے میں کہا گیا تھا کہ مکی آرتھر کو دی گئی نئی ذمہ داریکے تحت وہ پاکستان ٹیم کے لیے حکمت عملیوں کی ترتیب اور تشکیل دینے کے ساتھ ساتھ نگرانی بھی کریں گے۔
بابر کو بھر پور سپورٹ کرتا ہوں، بطور کپتان اس کی قابلیت پر بھروسہ ہے، مکی آرتھر
اعلامیے میں مزید کہا گیا تھا کہ 54 سالہ سابق کرکٹر اور کوچ مکی آرتھر آئی سی سی مینز کرکٹ ورلڈ کپ 2023 ، آسٹریلیا کے دورے اور ویسٹ انڈیز کے خلاف ہوم سیریز کے لیے کوچنگ اسٹاف میں بھی شامل ہوں گے، علاوہ ازیں وہ ایشیا کپ میں بھارت کے خلاف پاکستان کے میچوں میں بھی ٹیم کے ساتھ موجود ہوں گے۔
خیال رہے کہ 2016 سے 2019 کے دوران مکی آرتھر نے قومی ٹیم کی کوچنگ کی تھی اور اس دوران پاکستان نے آئی سی سی چیمپیئنز ٹرافی 2017 اپنے نام کی تھی۔
