اگلی فلائٹ میں تیس منٹ تھے، اپنا وقت بچانے کیلئے خود سامان اٹھایا، شاہین آفریدی

پاکستان کرکٹ ٹیم کے فاسٹ باؤلر شاہین شاہ آفریدی نے کہا ہے کہ پاکستان ٹیم چیلنج کیلئے تیار ہے، آسٹریلیا ایئرپورٹ پر اپنا وقت بچانے کے لیے خود سامان اٹھایا۔

کینبرا میں پریکٹس سیشن کے دوران میڈیا سے گفتگو کرتے ہوئے انہوں نے کہا کہ پاکستان فی الحال ورلڈ ٹیسٹ چیمپئن شپ کے پوائنٹس ٹیبل پر سرفہرست ہے۔ امید ہے آسٹریلیا میں اچھی کارکردگی کا مظاہرہ کریں گے۔

دورہ آسٹریلیا: شاہینوں کیخلاف کینگروز کے ٹیسٹ اسکواڈ کا اعلان، پیٹ کمنز کمان سنبھالیں گے

شاہین شاہ آفریدی کا کہنا تھا کہ آسٹریلیا نے مضبوط اسکواڈ کا اعلان کیا ہے مگر پاکستان ٹیم اس چیلنج کے لیے تیار ہے۔ ڈیوڈ وارنر کا کرکٹ کیرئیر شاندار ہے، وہ تینوں فارمیٹ کے بہترین کھلاڑی ہیں۔ وارنر کے لیے نیک تمنائیں ہیں مگر پُرامید ہوں وہ پاکستان کے خلاف اچھا پرفارم نہیں کریں گے۔

قومی کرکٹر نے کہا کہ ہمارے پاس سینئر اور جونیئر کا اچھا کمبی نیشن موجود ہے۔ ہم آسٹریلیا کے تمام کھلاڑیوں کے خلاف کھیل چکے ہیں، آسٹریلوی کھلاڑیوں کو جانتے ہیں لیکن وہ ہمیشہ مضبوط انداز سے مقابلہ کرتے ہیں۔

ایک سوال کے جواب میں انہوں نے قومی کرکٹرز کی آسٹریلیا پہنچنے پر اپنا سامان خود ٹرک میں رکھنے کی وائرل تصاویر پر وضاحت پیش کی۔ انہوں نے کہا کہ ہم نے اپنا وقت بچانے کیلئے خود سامان اٹھایا۔

پاکستانی کرکٹرز کیساتھ سڈنی ایئرپورٹ پر ناروا سلوک، ویڈیو وائرل ہوگئی

فاسٹ باؤلر نے بتایا کہ اگلی فلائٹ میں تیس منٹ تھے، وہ دو بندے تھے ہم نے کہا کہ جلد کام ختم ہو گا۔ صرف مدد کیلئے ایسا کیا اس کے علاوہ کچھ نہیں، ہم اس ٹیم کو ایک فیملی کہتے ہیں اور فیملی بن کر مدد کی۔

خیال رہے کہ قومی ٹیم کی سڈنی ایئرپورٹ پہنچنے کے بعد اپنا سامان خود ٹرک میں لوڈ کرانے کی ویڈیوز وائرل ہوئی تھیں۔ جس کے بعد کچھ بھارتی شائقین کی جانب سے تنقید کرتے ہوئے کہا گیا تھا کہ بھارت کی میزبانی اس سے بہتر تھی۔

Indians were awful hosts na, ab reality check mila? pic.twitter.com/wyu0DjlRTr

— Sushant Mehta (@SushantNMehta) December 2, 2023