نگران وفاقی کابینہ نے ڈپٹی چیئرمین نیب اور پراسیکیوٹر جنرل نیب کی تنخواہ اور مراعات کی منظوری دے دی۔
ذرائع کے مطابق ڈپٹی چیئرمین نیب سہیل ناصر کو 15 لاکھ روپے ماہانہ اور دیگر مراعات جبکہ پراسیکیوٹرجنرل نیب سید احتشام شاہ کیلئے 16 لاکھ 58 ہزار روپے تنخواہ اور مراعات کی منظوری دی گئی ہے۔
ڈپٹی چیئرمین نیب ظاہر شاہ نے استعفیٰ دیدیا
ذرائع کا کہنا ہے کہ ڈپٹی چیئرمین نیب کو 500 لیٹر پیٹرول، بجلی، گیس اور دیگر الاؤنس ہائیکورٹ کے جج کے مساوی ملیں گے جبکہ پراسیکیوٹر جنرل کو 600 لیٹر پیٹرول، گاڑی بمعہ ڈرائیور، بجلی، گیس اور دیگرالاؤنس سپریم کورٹ جج کے مساوی ملیں گے۔ ڈپٹی چیئرمین نیب اور پراسیکیوٹر جنرل نیب کو ریکوری پر بونس بھی ملے گا۔
پراسیکیوٹر جنرل نیب اصغر حیدر کا استعفیٰ منظور
ذرائع نے مزید بتایا کہ وزارت قانون کی سمری پر وفاقی کابینہ سے سرکولیشن کے ذریعے منظوری حاصل کی گئی اور چیئرمین نیب نذیر احمد کی سفارش پر تنخواہ اور مراعات کی منظوری دی گئی۔
