سیالکوٹ: بھارتی فورسز نے پاکستانی حدود ظفروال سیکٹر پر بلا اشتعال فائرنگ کی جس کا پاکستانی فورسز نے بھرپور جواب دیا۔
سیالکوٹ کے ظفروال سیکٹر میں بھارت فورسز نے سیز فائر کی خلاف ورزی اور بلا اشتعال فائرنگ کی تاہم پاکستانی فورسز نے بروقت کارروائی کر کے کواڈ کوپٹر ڈرون کی دراندازی کی بھارتی کوشش ناکام بنا دی۔
سرحد کے دونوں جانب سے چھوٹے بڑے ہتھیاروں سے گولہ باری کا سلسلہ جاری رہا۔ پاکستانی فورسز نے بروقت کارروائی کرتے ہوئے بھارتی جارحیت کا بھرپور جواب دیا۔
یہ بھی پڑھیں: 27 اکتوبر، جموں و کشمیر کی تاریخ کا سیاہ ترین دن ہے، وزیر اعظم آزاد کشمیر
بھارتی فورسز نے ورکنگ باؤنڈری پر سیز فائر کی کھلم کھلا خلاف ورزی کرتے ہوئے پہلے ظفر وال سیکٹر میں کواڈ کوپٹر ڈرون سے دراندازی کی کوشش کی جسے پاکستانی فورسز نے بروقت کارروائی کر کے ناکام بنا دیا۔
بھارتی فورسز نے کواڈکوپٹر کی دراندازی کی ناکامی کو کور کرنے کے لیے پاکستانی پوسٹوں پر بِلا اشتعال فائرنگ شروع کر دی تاہم پاکستانی فورسز نے بروقت کارروائی کرتے ہوئے بھارتی جارحیت کا بھرپور جواب دیا۔
