بھارت میں شیڈول ورلڈکپ2023 میں شرکت کیلئے پاکستان کرکٹ ٹیم بھارت پہنچ گئی۔
تفصیلات کے مطابق قومی ٹیم براستہ دبئی بھارت کے شہر حیدر آباد دکن پہنچ گئی ہے جہاں وہ جمعہ کو نیوزی لینڈ کے خلاف پہلا وارم اپ میچ کھیلے گی۔
شائقین کرکٹ ہمیں سپورٹ کریں، بابر اعظم
یاد رہے کہ قومی کرکٹ ٹیم آج صبح وقت سے پہلے دبئی پہنچی تھی جہاں ایک مقامی ہوٹل میں قیام کیاگیا۔ ٹیم کے باؤلنگ کوچ مورنے مورکل نے گزشتہ روز کھلاڑیوں کو جوائن کیا تھا۔
پاکستان کرکٹ ٹیم کے ڈائریکٹر مکی آرتھر 30 ستمبر کو پاکستان کے پہلے وارم اَپ میچ کے بعد ٹیم کو جوائن کریں گے۔
ورلڈکپ سے قبل بھارتی میڈیا نے اپنے بلے بازوں کی کمزوری بتادی
دوسری جانب قومی ٹیم کے کپتان بابراعظم نے سماجی رابطے کی سائٹ ٹوئٹر (ایکس) پر ورلڈکپ کیلئے روانگی سے قبل ٹیم کی اور اپنی تصاویر شیئرکی تھیں اور اپنے پیغام میں لکھا تھا کہ جیسا کہ ہم ورلڈکپ کیلئے روانہ ہورہے ہیں۔
میری درخواست ہے کہ شائقین کرکٹ ہمیں سپورٹ کریں اور نیک خواہشات کا اظہار کریں، مجھے یقین ہے کہ فینز کی سپورٹ اور محبت کا سلسلہ جاری رہے گا۔
