ایک چینی الیکٹرک کار بنانے والی کمپنی پاکستان کے بڑے شہروں میں الیکٹرک وہیکل اسمبلی پلانٹ اور شوروم قائم کرنے کا منصوبہ بنا رہی ہے۔
ویب سائٹ ’’پروپاکستانی ‘‘ کے مطابق چینی کمپنی کے وفد جس کی قیادت اسسٹنٹ چیئرمین G.U. Xongquan کر رہے تھے،نے مذکورہ منصوبہ فیڈریشن آف پاکستان چیمبر آف کامرس اینڈ انڈسٹری کے نائب صدر امین اللہ بیگ کے ساتھ شیئر کیا۔ ملاقات میں پاکستان میں سرمایہ کاری کے حوالے سے تفصیلی تبادلہ خیال کیا گیا۔
Xongquan نے مزید کہا کہ کمپنی کے طویل المدتی کاروباری منصوبے میں پاکستان میں مکمل طور پر مقامی پیداواری پلانٹ لگانا شامل ہے جس میں ایک مکمل شوروم نیٹ ورک ہے۔
Xongquan نے کہا کہ کاریں پاکستان کے سفر کا اہم ذریعہ ہیں اور تیل کی بڑھتی ہوئی عالمی قیمتوں نے پیٹرول کی قیمتوں میں اضافہ کیا ہے، جس سے لوگ نقل و حمل کے دیگر طریقوں کو تبدیل کرنے پر مجبور ہیں۔
