منیلا: باسکٹ بال میچ کے دوران مخالف کھلاڑی کی کہنی لگنے سے سربیا کے کھلاڑی کا گردہ ضائع ہو گیا۔
غیر ملکی خبر رساں ایجنسی کے مطابق منیلا میں باسکٹ بال ورلڈ کپ میں سربیا اور جنوبی سوڈان کے میچ میں سربیا کے فارورڈ کھلاڑی بوریسا سیمانک حادثاتی طور پر جنوبی سوڈان کے کھلاڑی کی کہنی لگنے سے زخمی ہو گئے۔
سربیا کی باسکٹ بال فیڈریشن نے اعلان کیا کہ اس واقعے میں ان کے کھلاڑی بوریسا سیمانک اپنا ایک گردہ کھو چکے ہیں اور آپریشن کے بعد ان کا ناکارہ ہونے والا گردہ نکال دیا گیا ہے۔
بوریسا سیمانک جنوبی سوڈان کے خلاف سربیا کی جیت سے صرف 2 منٹ پہلے زخمی ہوئے تھے۔
جنوبی سوڈان کے کھلاڑی نونی اوموٹ باسکٹ کے نیچے گول کرنے کی کوشش کر رہے تھے کہ اس دوران ان کی کہنی سیمانک کی پیٹ پر لگی جس سے وہ چند سیکنڈ بعد چیخ مارنے کے بعد گھٹنوں کے بل بیٹھ گئے تھے۔
¡Le costó un riñón! Le dieron un codazo al basquetbolista serbio Borisa Simanic en un partido contra Sudán en el Mundial. Se lo llevaron al hospital y le sacaron el riñón completo. “Fue sin querer”, dijo el jugador sudanés.
— Javier Alatorre (@Javier_Alatorre) September 5, 2023
نونی اوموٹ نے جنوبی سوڈان کی باسکٹ بال فیڈریشن کے توسط سے جاری بیان میں کہا کہ میں سیمانک کے ساتھ پیش آنے والے واقعے پر بہت افسردہ ہوں اور ایک کھلاڑی کی حیثیت سے اس صورتحال کی سنگینی کو سمجھتا ہوں۔ مجھے بہت افسوس ہے کہ ایسا ہوا سیمانک کی صحت یابی اور جلد واپسی کے لیے دعا گو ہوں۔
