اسلام آباد: نگران حکومت نے عالمی مالیاتی ادارے (آئی ایم ایف) کی ایک اور شرط پوری کرتے ہوئے فی لیٹر پیٹرول پر لیوی کی فل شرح عائد کر دی۔
رپورٹس کے مطابق حکومت کی جانب سے فی لیٹر پیٹرول پر 5 روپے لیوی کی شرح بڑھائی گئی ہے جس کے بعد فی لیٹر پیٹرول پر 60 روپے لیوی عائد ہو گئی۔
اسی طرح حکومت کی جانب سے ڈیزل پر 50 روپے لیوی عائد ہے اور دونوں پیٹرولیم مصنوعات پر لیوی 60 روپے فی لیٹر تک بڑھانے کا خدشہ ہے۔
یہ بھی پڑھیں: ایف بی آر نے 20 ارب روپے سے زیادہ ٹیکس جمع کر لیا
رپورٹ کے مطابق بجٹ میں لیوی بڑھانے کی منظوری دی گئی تھی تاہم 60 روپے سے زیادہ لیوی عائد کرنے کے لیے پارلیمنٹ سے منظوری لازم ہے۔
واضح رہے کہ نگران حکومت نے پیٹرولیم مصنوعات کی قیمتوں میں اضافہ کر دیا جبکہ پیٹرول کی قیمت میں 14 روپے 91 پیسے فی لیٹر اضافہ کیا گیا ہے۔
