ایشیا کپ میں پاکستان بھارت کے خلاف اپنا دوسرا میچ 2 ستمبر کو بھارت کے خلاف کھیلے گا، اس موقع پر حارث رؤف نے بھارت کے تمام کھلاڑیوں کو آؤٹ کرنے کی خواہش کا اظہار کر دیا ہے۔
قومی ٹیم کے فاسٹ باؤلر حارث رؤف سے مومن ثاقب نے گفتگو کی جس کی مختصر ویڈیو اداکار نے انسٹاگرام پر شیئر کی جس میں انہوں نے حارث رؤف سے پاکستان کے دوسرے میچ بارے سوال کیا۔
ایشیا کپ، پاکستان نے نیپال کو بڑے مارجن سے شکست دے دی
انہوں نے پوچھا کہ آپ پاک بھارت میچ کے لئے کیا خواہش رکھتے ہیں اور اس بار بھارت کی کتنی وکٹیں لیں گے۔
جس کے جواب میں حارث رؤف نے کہاکہ میرا دل تو کرتا ہے کہ بھارت کے 10 کے 10 کھلاڑی میں ہی آؤٹ کروں لیکن ایسا نہیں ہوتا کیوں کہ ہمارے باقی کھلاڑی بھی آئے ہیں وہ بھی وکٹیں حاصل کریں گے۔
فاسٹ باؤلر کا کہنا تھا کہ پاک بھارت میچ ہائی پریشر میچ ہے جس میں ہر کھلاڑی پر پریشر ہوتا ہے لیکن جو پرفارم کرتا ہے اس کو سراہا جاتا ہے۔
