ڈالر کی اڑان تھم نہ سکی ، کاروبار کے آغاز پر قیمت میں اضافہ ہو گیا جس کے بعد روپے کی قدر مزید گر گئی۔
انٹر بینک میں ڈالر 3 روپے 26 پیسے مہنگا ہونے کے بعد ڈالر 291 روپے 75 پیسے پر ٹریڈ کر رہا ہے ۔ جبکہ اوپن مارکیٹ میں ڈالر 2 روپے 50 پیسے مہنگا ہوا جس سے اوپن مارکیٹ میں ڈالر 300 روپے پر فروخت ہو رہا ہے۔
گزشتہ ہفتے کاروباری دن کے اختتام پر انٹربینک میں ڈالر 288 روپے 49 پیسے پر بند ہوا تھا۔
پاکستانی روپے کے مقابلے میں امریکی ڈالر مزید مہنگا
دوسری جانب اسٹاک ایکسچینج میں تیزی برقرار ہے ، پاکستان اسٹاک ایکسچینج کے100 انڈیکس میں 156 پوائنٹس کا اضافہ ہوا ، کاروبارکے دوران انڈیکس 48 ہزار581 پوائنٹس پر ٹریڈ کرتے دیکھا گیا۔
