اسلام آباد: آن لائن ویڈیو اسٹریمنگ پلیٹ فارم یوٹیوب نے پاکستان میں اپنی پریمیئم سروس کا آغاز کر دیا ہے جس کے تحت پاکستانی صارفین کو اب ایڈ فری ویڈیوز دیکھنے، آف لائن اسٹریمنگ کرنے اور ایپ بند کرنے کے بعد بیک گراؤںڈ پلے کی سہولت میسر ہو گئی ہے۔
حکومت کا ویب سائٹس، ویب اوریوٹیوب چینلز کی رجسٹریشن کا فیصلہ
خلیج کے مؤقر انگریزی اخبار عرب نیوز کے مطابق یوٹیوب نے بدھ کو یوٹیوب پریمیئم اور یوٹیوب میوزک کی سروسز کا آغاز کردیا ہے۔
واضح رہے کہ پوری دنیا کی طرح یوٹیوب پاکستان میں بھی مشہور ترین ڈیجیٹل پلیٹ فارمز میں سے ایک ہے۔
یوٹیوب کے مطابق پاکستان سے پلیٹ فارم پر 400 ایسے چینلز ہیں جن کے 10 لاکھ سے زائد سبکسرائبرز موجود ہیں۔
اس حوالے سے جاری کردہ پریس ریلیز کے مطابق یوٹیوب پریمیئم اور یوٹیوب میوزک پیڈ ممبر شپ سروسز ہیں یعنی صارفین کو اس کے استعمال کے لیے پیسے دینے ہوں گے جس کے بعد وہ ایڈ فری ویڈیوز اور دیگر سہولتوں سے فائدہ اٹھا سکیں گے۔
شرائط میں نرمی، یوٹیوب سے پیسہ کمانا آسان ہو گیا
یوٹیوب کے مطابق پاکستان میں اب متعارف کرایا جانے والا یوٹیوب پریمیئم کی پیڈ ممبرشپ ہے جس کے ذریعے صارفین بغیر اشہارات کے ویڈیوز دیکھ سکیں گے، انہیں آف لائن دیکھنے کے ساتھ ساتھ بیک گراؤنڈ میں بھی چلا سکیں گے۔
اسی ضمن میں بتایا گیا ہے کہ یوٹیوب میوزک ایک نئی میوزک اسٹریمنگ ایپ ہے جو پاکستان میں میوزک کے لیے ایک نیا تجربہ ثابت ہو گا۔
بھارت، ایک کروڑ کمانے والے یوٹیوبر کے گھر پر انکم ٹیکس کا چھاپہ، 24 لاکھ برآمد
پاکستان میں صارفین 479 روپے یعنی 1.68 ڈالر میں یوٹیوب پریمیئم جب کہ 299 روپے یعنی 1.05 ڈالر میں یوٹیوب میوزک کی سروس حاصل کر سکتے ہیں۔
