وفاقی وزیرتوانائی خرم دستگیر کا کہنا ہے کہ چینی کمپنی پاکستان میں ساڑھے 3ارب ڈالر کی سرمایہ کاری کرے گی۔
ان کا کہنا تھا کہ گزشتہ 4سال کے دوران سی پیک پر کام نہیں ہوا، نیوکلیئرپلانٹ سے سستی بجلی حاصل ہوگی۔
شہباز شریف کی قیادت میں بجلی سسٹم میں 5 ہزار میگاواٹ اضافہ ہوا،ان کا کہنا تھا کہ سردیوں میں پن بجلی کی پیداوار میں کمی ہوجاتی ہے، متبادل ذرائع ضروری ہیں۔
سعودی عرب کا پاکستان میں بھاری سرمایہ کاری کا عندیہ
وفاقی وزیر کا کہنا تھا کہ بجلی کی مزید پیداوار اور استحکام کے لیے کام کررہے ہیں،چینی سرمایہ کاری سے نیوکلیئر کے شعبے کوفروغ حاصل ہوگا۔
تھرکے کوئلے سے 2ہزارمیگاواٹ بجلی پیداکرکے سسٹم میں شامل کی ہے،ان کا کہنا تھا کہ نوازشریف نے بہت سے بجلی کے منصوبوں کاسنگ بنیاد رکھا۔
