پشاور: خیبر پختونخوا کی خاتون ایس ایس پی سونیا شمروز خان کو انٹرنیشنل پولیس آفیسر آف دی ایئر ایوارڈ کے لیے نامزد کر لیا گیا۔
ایس ایس پی سونیا خان کو بہترین پولیسنگ اور خواتین پر تشدد کی روک تھام کی خدمات پر نامزد کیا گیا۔ ان کا تعلق پختونخوا سے ہے۔
سونیا خان کو نیوزی لینڈ کے شہر آکلینڈ میں انٹرنیشنل پولیس آفیسر آف دی ایئر ایوارڈ دیا جائے گا۔
یہ بھی پڑھیں: سابق گورنر پنجاب لطیف کھوسہ کے گھر پر فائرنگ
واضح رہے کہ سونیا شمروز خان نے بٹگرام، چترال میں جبری شادیوں کی روک تھام کے لیے نہ صرف شکایتی سیل قائم کیے تھے جبکہ خواتین کے مسائل اور خودکشی کے بڑھتے ہوئے رجحان کے تدارک کے لیے مختلف اداروں کے ساتھ مل کر کام کیا۔
سونیا شمروز کی کوششوں کی وجہ سے ہی چترال میں خواتین کی خودکشی کے رجحان میں نمایاں کمی آئی تھی۔
