وزیراعظم شہباز شریف اور ترک صدر رجب طیب ایردوان کی خوشگوار ماحول میں ملاقات، شہباز شریف نے ترک صدر کو آموں کا تحفہ دے دیا، ویڈیو سوشل میڈیا پر وائرل ہوگئی۔
سماجی رابطے کی ویب سائٹ ٹوئٹر پر وزیراعظم شہباز شریف اور ترک صدر ایردوان کی گزشتہ روز ہونے والی ملاقات کی ویڈیو وائرل ہوئی۔ اس موقع پر شہباز شریف نے ترک صدر سے مصافحہ کرتے ہوئے کہا کہ میں آپ کیلئے آموں کا تحفہ لایا ہوں۔
وزیر اعظم شہباز شریف نے ملک میں کمر توڑ مہنگائی تسلیم کر لی
وزیراعظم نے ترک صدر کی اہلیہ سے مخاطب ہوکر کہا کہ آدھے آم اپنے بھائی اور آدھے آم اپنی بہن کیلئے لایا ہوں۔ وزیراعظم کی یہ بات سن کر صدر ایردوان اور ان کی اہلیہ بے ساختہ مسکرا دیے۔
وزیراعظم شہباز شریف کی بات کا جواب دیتے ہوئے ترک صدر ایردوان نے مسکراتے ہوئے جواب دیا کہ مجھے معلوم ہے کہ پاکستانی آم بہت لذیذ ہوتے ہیں۔
آپ کےلئے آموں کا تحفہ لایا ہوں، آدھے آم آپ کےلئے اور آدھے اپنی بہن کےلئے، وزیراعظم شہباز شریف کی بات پر صدر ایردوان اور ان کی اہلیہ مسکرا دیئے۔۔!! pic.twitter.com/KLWxvKyZ9t
— Khurram Iqbal (@khurram143) June 4, 2023
وزیراعظم شہباز شریف نے ملاقات کے دوران مزید کہا کہ پاکستان کے عوام آپ کے انتخاب پر بہت خوش ہیں۔
