احتساب عدالت اسلام آباد کے تحریری فیصلے کے مطابق سابق وزیراعظم عمران خان کو اپنی اہلیہ سے بات کرنے کی اجازت مل گئی۔
احتساب عدالت اسلام آباد کی جانب سے القادر ٹرسٹ کیس میں چیئرمین پاکستان تحریک انصاف (پی ٹی آئی) کے جسمانی ریمانڈ کا تحریری فیصلہ جاری کردیا گیا۔ تحریری فیصلے کے مطابق احتساب عدالت اسلام آباد نے عمران خان سے ذاتی معالج کی ملاقات کی اجازت دے دی۔
عمران خان کا 8 روزہ جسمانی ریمانڈ منظور
تحریری فیصلے میں کہا گیا ہے کہ دورانِ ریمانڈ عمران خان کو اپنی اہلیہ سے بات کرنے اور وکلا سے ملاقات کرنے کی بھی اجازت ہوگی۔
اسی کے ساتھ ساتھ احتساب عدالت اسلام آباد نے عمران خان کا طبی معائنہ کرنے والی ٹیم میں ڈاکٹر فیصل کو بھی شامل کرنے کا حکم جاری کیا گیا ہے۔
