قومی ٹیم کے فاسٹ باؤلر شاہین آفریدی کا کہنا ہے کہ انشاء اللہ اس بار ورلڈ کپ اور ایشیا کپ جیتیں گے۔
نجی ٹی وی کو انٹرویو دیتے ہوئے ان کا کہنا تھا کہ انجری ہونا کسی بھی اسپورٹس مین کے کیریئر کا حصہ ہے، مشین بھی کبھی کبھار خراب ہو جاتی ہے۔
انہوں نے کہاکہ انجری میں گزرا ہوا وقت کافی مشکل تھا، اس دوران بہت کچھ سیکھا، ان کا کہنا تھا پاکستان کے لئے پرفارمنس کا سلسلہ جاری رکھو ں گا۔
یہی ٹیم پاکستان کو 2023 اور 2024 کا ورلڈکپ جتوائے گی، شاہین آفریدی
اب اپنے آپ کو کافی فٹ محسوس کر رہا ہوں، کوشش ہوتی ہے کہ باؤلنگ، فیلڈنگ اور بیٹنگ تینوں شعبوں میں اچھی کارکردگی دکھاؤں۔
ان کا کہنا تھا کہ بطور ٹیم اچھا کھیل کر پاکستان کو فائنل جتوانے کی کوشش کریں گے، بھارت میں کنڈیشن ہمارے لیے زیادہ مختلف نہیں ہوں گی۔
