ماہرین حیاتیات نے ایک ایسی مکڑی دریافت کر لی جسے بھوک لگے تو وہ بینائی سے محروم ہو جاتی ہے۔
غیر ملکی خبر رساں ایجنسی کے مطابق یونیورسٹی آف سنسناٹی کے ماہرین حیاتیات نے تحقیق کے دوران ایک ایسی مکڑی کا پتہ لگایا جسے بھوک لگے تو اس کا اثر براہ راست اُس کی بینائی پر پڑتا ہے اور اگر وہ مسلسل بھوک میں رہے تو وہ اندھی بھی ہو جاتی ہے۔
ماہرین کے مطابق بولڈ جمپنگ اسپائیڈر ایک اعلیٰ معیار کی رنگین بصارت رکھنے والی مکڑی ہے اور اس مکڑی کی مرکزی بڑی آنکھیں رنگین جبکہ دائیں بائیں کی چھوٹی آنکھیں بلیک اینڈ وائٹ رنگ دکھاتی ہیں۔
یہ بھی پڑھیں: صرف 3 منٹ کی چہل قدمی بڑی بیماریوں سے چھٹکارا دلاسکتی ہے
ایسا آلہ جسے حشرات العرض کی بصارت کی جانچ کے لیے استعمال کیا جاتا ہے اس آلے کی مدد سے ہی مکڑی کی بصارت میں کمی کا اندازہ لگایا گیا۔ ماہرین نے مکڑیوں کو دو گروہوں میں تقسیم کیا اور ان میں سے ایک گروہو کو بھوکا رکھا گیا۔
مشاہدے سے معلوم ہوا کہ جن مکڑیوں کو بھوکا رکھا گیا ان کی بصارت میں تیزی سے کمی واقع ہوئی۔ ماہرین کا کہنا ہے کہ یہ مشاہدہ اب انسانوں پر بھی کیا جائے گا۔
