بھارت میں بھائی سے جھگڑے کے دوران غصے میں آ کر بہن نے موبائل نگل لیا، طبیعت بگڑنے پر لڑکی کو اسپتال منتقل کیا گیا جہاں ڈاکٹروں نے آپریشن کر کے اس کی جان بچا لی۔
بھارتی میڈیا کی رپورٹ کے مطابق بھارتی ریاست مدھیہ پردیش کے ضلع بھنڈ کے علاقے کے رہائشی بھائی اور بہن کے درمیان کسی بات پر جھگڑا ہوا، بجث بڑھنے پر بہن نے غصے کے عالم میں چھوٹا بٹن پیڈ والا موبائل نگل لیا۔
کرسی پر جھگڑا، آفسر ورکر نے ساتھی کو گولی مار دی
رپورٹ کے مطابق لڑکی کی طبعیت خراب ہونے پر اسے قریبی اسپتال پہنچایا گیا، الٹراساؤنڈ، سی ٹی اسکین اور ایکس رے کرنے کےبعد ڈاکٹروں کی رائے تھی کہ موبائل فون کو اینڈواسکوپی یا لیپرواسکوپی کے ذریعے بحفاظت نہیں نکالا جاسکتا، چناچنہ باقاعدہ سرجری کرنے کا فیصلہ کیا گیا۔
ڈاکٹروں کی ٹیم نے دو گھنٹے طویل آپریشن کے بعد لڑکی کے معدے سے موبائل فون برآمد کرلیا۔
