لاہور: پاکستان تحریک انصاف (پی ٹی آئی) نے سپریم کورٹ کے انتخابات کے فیصلے پر ملک بھر میں یوم تشکر منانے کا اعلان کر دیا۔
پی ٹی آئی کے مرکزی رہنما حماد اظہر نے سماجی رابطے کی ویب سائٹ پر اعلان کہ 5 اپریل کی رات 9 بجے لبرٹی چوک میں آئین اور جمہوریت کی بحالی پر یوم تشکر منایا جائے گا۔
انہوں نے کہا کہ پارٹی چیئرمین عمران خان یوم تشکر کی تقریب سے خطاب کریں گے۔
کل رات ۹ بجے انشاللہ لبرٹی چوک میں آئین اور جمہوریت کی بحالی پر یوم تشکر منایا جائے گا۔ چیرمین عمران خان کا خطاب براہ راست سکرین پر دکھایا جائے گا۔
— Hammad Azhar (@Hammad_Azhar) April 4, 2023
اس سے قبل حماد اظہر نے کہا کہ سپریم کورٹ نے جمہوریت کو بچا لیا اور آئین کو بحال کر دیا۔ قانون اور آئین کے دائرے میں رہتے ہوئے اس فیصلے کے علاوہ کوئی اور فیصلہ ممکن بھی نہ تھا۔
انہوں نے کہا کہ سیاسی جماعتیں میدان سے بھاگتی نہیں بلکہ پی ڈی ایم جماعتیں بھی جمہوری عمل کا حصہ بنیں، یہ جمہوریت اور آئین کی فتح ہے۔
سپریم کورٹ نے آئین کو بحال کر دیا اور جمہوریت کو بچا لیا۔
قانون اور آئین کے دائرے میں رہتے ہوئے اس فیصلے کے علاوہ کوئی اور فیصلہ ممکن بھی نا تھا۔
سیاسی جماعتیں میدان سے بھاگتی نہیں۔ پی ڈی ایم بھی جمہوری عمل کا حصہ بنیں۔ یہ جمہوریت اور آئین کی فتح ہے۔— Hammad Azhar (@Hammad_Azhar) April 4, 2023