چمن: چمن اورگردونواح میں زلزلے کے شدید جھٹکے محسوس کئے گئے۔
لیویز کے مطابق زلزلے کی وجہ سے بائی پاس کے قریب بلالزئی میں مکان کا کمرہ گرنے سے تین بچیاں جاں بحق ہو گئیں۔
مکان تلے دبنے سے خاتون سمیت5بچے زخمی بھی ہوئے، واضح رہے کہ گزشتہ روز چمن میں 3.6 شدت کا زلزلہ آیا تھا۔
زلزلہ پیما مرکز کے مطابق زلزلے کا مرکزکوئٹہ سے50کلومیٹرشمال مغرب میں تھا،ترجمان وزیراعلیٰ نے گھر منہدم ہونے اور ہلاکتوں پر گہرے دکھ اور افسوس کا اظہارکیا ہے۔
دوسری جانب اسسٹنٹ کمشنر نوید عالم کا کہنا ہے کہ زلزلہ معمولی تھا لیکن کچے مکانات رہائش کے قابل نہیں تھے۔
