کیلیفورنیا: انسانوں کے بعد اب مختلف کمپنیوں میں کام کرنے والے روبوٹس بھی فارغ ہونے لگے۔
غیر ملکی خبر رساں ایجنسی کے مطابق سرچ انجن گوگل کی مالک کمپنی الفا بیٹا نے بجٹ میں کمی کی وجہ سے ہزاروں ملازمین کو فارغ کرنے کے بعد اب 100 کے قریب روبوٹس کو بھی فارغ کر دیا۔
فارغ کردہ روبوٹس کمپنی میں روزمرہ کے چھوٹے موٹے کام کرتے تھے جبکہ یہ روبوٹس صفائی کرنے ساتھ ساتھ کورونا وبا کے دوران کانفرنس روم کی صفائی کا بھی خیال رکھتے تھے۔
گوگل میں کام کرنے والے یہ روبوٹس مختلف قسم کی تکنیک کی مدد سے دروازے کھولنے کی بھی تربیت رکھتے تھے۔ ان روبوٹس کو گوگل ہیڈکوارٹر میں رکھا گیا تھا جہاں یہ اے آئی ٹیکنالوجی چیٹ جی پی ٹی میں استعمال ہونے والی زبان کو بھی سمجھ سکتے ہیں۔
یہ بھی پڑھیں: یوٹیوب پر الزام، تحقیقات شروع
فارغ کردہ روبوٹس ادارے کے ملازمین سے ناشتے کا آرڈر لینے کا بھی کام کرتے تھے۔ ماہرین کا خیال ہے کہ ہر روبوٹ کی قیمت10 ہزار ڈالر سے زائد ہے۔
