سپین میں ایک شخص کو ٹک ٹاک پر لائیو اپنی بیوی کو تھپڑ رسید کرنے کے جرم میں ایک سال قید کی سزا سنا دی گئی
غیر ملکی خبر رساں ادارے کی رپورٹ کے مطابق یہ واقعہ شمالی سپین میں پیش آیا جہاں ایک شخص نے لائیو گیم کے دوران اپنے تین دوستوں کی موجودگی میں تھپڑ مارا۔
تھپڑ اس زور سے مارا گیا کہ خاتون کا سر ہلنے لگا اور اس کے بال اڑتے دکھائی دیے۔ عدالت نے اپنے فیصلے میں کہا کہ اس تھپڑ کی وجہ سے خاتون رو پڑی تھی۔
عدالتی فیصلے میں یہ بھی کہا گیا ہے کہ ملزم نے ہزاروں لوگوں کے سامنے اپنی بیوی کی جسمانی سالمیت کو نقصان پہنچایا اور اسے عوامی سطح پر ذلیل کرنے کی نیت سے کھلے عام اس پر حملہ کیا ہے۔
زبردستی ہاتھ پکڑنے پر ٹی وی ڈائریکٹر کو تھپڑ رسید کر دیا تھا، سارہ خان
فیصلہ سنانے والے جج نے یہ بھی کہا کہ جنس کی بنیاد پر تشدد کے جرائم میں متاثرہ فرد کی جانب سے شکایت درج کرانا ضروری نہیں ہے۔ سزا صرف حقائق کے ریکارڈ کی بنا پر بھی سنائی جا سکتی ہے۔
