رونالڈو کا عربی گیتوں پر تلواروں کے ساتھ روایتی رقص


پرتگالی فٹبال اسٹار کرسٹیانو رونالڈو نے سعودی یوم تاسیس کے موقع پر عربی گیتوں  پر تلواروں کے ساتھ روایتی رقص بھی کیا۔ 

پرتگالی سٹار اور پانچ بار دنیا کے بہتر کھلاڑی کا اعزاز حاصل کرنے والے کرسٹیانو رونالڈو نے اپنے ٹوئٹر اکاونٹ پر سعودی عرب کے یوم تاسیس کے موقع پر جشن کی ویڈیو شیئر کی ہے۔


ویڈیو میں دیکھا  جاسکتا ہے کہ النصر کلب کے دیگر کھلاڑیوں کے  ہمراہ رونالڈو نے سعودی لباس میں جشن منایا۔کرسٹیانو رونالڈو نے تلواروں کے روایتی سعودی رقص ’العرضہ‘ میں حصہ لیا۔

رونالڈو نے سوشل میڈیا پر ویڈیو  شیئر کرتے ہوئے لکھا ہے کہ ” سعودی عرب کا یوم تاسیس مبارک ہو، سعودی عرب کے یوم تاسیں کے جشن میں شرکت کا تجربہ شاندار رہا۔”

دوسری جانب  النصر فٹبال کلب کی جانب سے بھی  رونالڈو کی یوم تاسیس کے موقع پر  سعودی گیتوں سے لطف اندوز ہونے کی تصاویر شیئر کی گئی ہیں۔ اسٹار فٹبالر رونالڈوسعودی قہوے سے بھی لطف اندوز ہوئے۔


متعلقہ خبریں