وفاقی وزیر خارجہ اور پاکستان پیپلز پارٹی کے چئیرمین بلاول بھٹونے کہا ہےکہ کراچی اور حیدرآباد کے عوام نے ووٹ کی طاقت سے نام نہاد مقبول لیڈرز کا پول کھول دیا ہے۔
بلاول بھٹو نے بلدیاتی انتخابات پر بات کرتے ہوئے کہا کہ الیکشن میں ثابت ہوگیا کہ پیپلزپارٹی سندھ کی واحد بڑی جماعت ہے، انہوں نے اعتماد کرنے پر کراچی اور حیدرآباد کے عوام کا شکریہ بھی ادا کیا۔
بلاول نے کہا کہ پیپلزپارٹی وفاق کی زنجیر ہے، پیپلزپارٹی کی جیت پورے ملک کی فتح ہے،ک راچی اور حیدرآباد کی ترقی کے لیے مل کر کام کرنا عوام کی خوش حالی کی وجہ بنے گا، انہوں نے کہا کہ کراچی اور حیدرآباد نے نفرت کی سیاست کرنے والوں کو مسترد کردیا ہے۔
