وزیر اعلیٰ سندھ سڑک کنارے کرکٹ کھیلتے بچوں کو دیکھ کر خود بھی کرکٹر بن گئے۔
وزیراعلیٰ سندھ سید مراد علی شاہ کراچی میں جاری ترقیاتی کاموں کا اچانک معائنہ کرنے پہنچے تو بچوں کو کرکٹ کھیلتا دیکھ کراندر کا کرکٹر جاگ گیا۔ وزیراعلیٰ نے سڑک پر بچوں کے ساتھ کرکٹ کھیلی ۔وزیراعلیٰ نے بیٹنگ کی اور مرتضیٰ وہاب نے وزیر اعلی کوبائولنگ کروائی۔
Karachi: Sindh CM Syed Murad Ali Shah during his visit to under construction Malir Expressway played cricket with the children playing there. pic.twitter.com/yqtdMFjDe3
— Sindh Chief Minister House (@SindhCMHouse) January 1, 2023
وزیراعلیٰ نے کہا نئے سال کے آغاز سے بچوں کے ساتھ کرکٹ کھیلنے کا مقصد بچوں میں کھیل کا شوق پیدا کرنا ہے۔ہمیں نیا سال نئے جذبے کے ساتھ صحتمند سرگرمیوں کے ساتھ شروع کرنا ہے۔
وزیراعلیٰ سندھ مراد علی شاہ نے دورے کے دوران کراچی میں جاری ترقیاتی کاموں کا معائنہ کیا۔ ملیر ایکسپریس وے ، گلستان جوہر فلائی اوور ، ملیر کینٹ کے پاس جاری کام کا جائزہ لیا۔
مرادعلی شاہ کا کہنا تھا کہ ورلڈ بینک کا قرض منظور ہوچکا ہے، سیلاب متاثرین کےلیے بیس لاکھ گھر بنائیں گے۔ گھروں کی تعمیر کےلیے فی کس تین لاکھ روپے دیں گے، بلاول بھٹو سیلاب متاثرہ علاقوں کا ایک اور دورہ کریں گے۔
