وزیر اعظم شہبا زشریف کا کہنا ہے کہ دہشتگردی کے ذریعے افراتفری پھیلانے کی مذموم کوشش سختی سے کچل دیں گے۔ ریاست کسی بھی دہشتگرد گروہ یا تنظیم کے سامنے نہیں جھکے گی
وزیراعظم شہباز شریف نے بنوں اور دیگر علاقوں میں دہشتگردوں کی کارروائیوں کی شدید مذمت کی ہے ۔ انہوں نے کہا کہ دہشتگردی کے ذریعے افراتفری پھیلانے کی مذموم کوشش سختی سے کچل دیں گے۔
ان کا کہنا ہے کہ ریاست کسی بھی دہشتگرد گروہ یا تنظیم کے سامنے نہیں جھکے گی ۔ دہشتگردوں کے ساتھ آئین اور قانون کے مطابق نمٹا جائے گا، ان کی بیرونی سہولت کاری اور پناہ گاہوں کا بھی سدباب کریں گے۔
یہ بھی پڑھیں:بنوں آپریشن میں 25 دہشتگرد ہلاک،3 اہلکار شہید
ان کا کہنا تھا کہ امن وامان کی بنیادی ذمہ داری صوبوں کی ہے،وفاق آنکھیں بند نہیں کر سکتا ۔ وزیراعظم نے دہشتگردی کے خلاف برسرپیکار فورسز کے جذبے اورعزم کو بھی خراج تحسین پیش کیا ۔
انہوں نے کہا ہے کہ شہداکی قربانیاں ضائع نہیں ہونے دیں گے۔ دہشتگردی کے خاتمے کیلئے نیشنل ایکشن پلان پر مکمل عمل درآمد کریں گے ۔
