فرانسیسی فٹبالر کی کک سے گیند تماشائی کے منہ پر جا لگی۔
فیفا ورلڈکپ کے دوسرے سیمی فائنل سے پہلے یہ واقع پیش آیا جب فرانس فائنل میں جگہ بنانے کے لیے مراکش سے مقابلے کی تیاری کر رہا تھا۔
وارم اپ کے دوران فرانسیسی فٹبالر امباپے نے ٹریننگ سیشن کے دوران ہٹ لگائی جو اسٹیڈیم میں بیٹھے فرانسیسی مداح کے چہرے پر جا لگی اور مداح کی ناک زخمی ہو گئی۔
اسٹیڈیم میں مداح کے ساتھ بیٹھے کئی لوگوں نے اسے سہارا دیا جو زوردار ہٹ سے واضح طور پر پریشان نظر آ رہا تھا۔
یہ بھی پڑھیں: فیفا ورلڈ کپ کا فائنل آخری میچ ہوگا، میسی کی ریٹائرمنٹ کی تصدیق
جیسے ہی گیند مداح کو لگی، امباپے نے کھیل چھوڑا اور بھاگتے ہوئے شائقین میں پہنچ گئے، انہوں نے مداح سے خیریت دریافت کی اور گیند لگنے پر معذرت بھی کی
مداح نے امباپے کو پہنچانتے ہوئے ان کے ہاتھ ہر ہاتھ رکھ کر بتایا کہ وہ ٹھیک ہیں اور اپنی گیم دوبارہ شروع کر سکتے ہیں۔
یاد رہے فرانس کی ٹیم مراکش کو شکست دے کر فائنل میں پہنچ چکی ہے، جہاں وہ اتوار کو ارجنٹائن کے مقابل ہو گی۔
