آج رات حلقہ بندیاں درست کر لیں، الیکشن کل کرالیں، وسیم اختر

آج رات حلقہ بندیاں درست کر لیں، الیکشن کل کرالیں، وسیم اختر

کراچی: ایم کیو ایم رابطہ کمیٹی کے رکن وسیم اختر نے کہا ہے کہ آج رات حلقہ بندیاں درست کر لیں، الیکشن کل کرا لیں، ہم الیکشن سے بھاگ نہیں رہے ہیں، درست حلقہ بندیاں چاہتے ہیں۔

2 سے زائد بچوں والے اب الیکشن نہیں لڑ سکیں گے

انہوں نے خواجہ اظہار الحسن کے ہمراہ پریس کانفرنس سے خطاب کرتے ہوئے کہا کہ ٹیکس دینے والے شہریوں کے مسائل کا حل نکالا جائے۔

سابق میئر کراچی وسیم اختر نے کہا کہ کئی بار وفاقی حکومت کو بھی یاد دہانی کرائی ہے مگر کچھ نہ ہوا، بلدیاتی نظام کو مضبوط ہونا چاہیے، بلدیاتی نظام کے معاملے پر ہم سپریم کورٹ گئے، ہم نے بلدیاتی نظام پر تمام جماعتوں سے بات چیت بھی کی۔

انہوں نے کہا کہ ووٹر لسٹوں میں خامیاں ہیں، حلقہ بندیوں میں بھی مسائل ہیں، حلقہ بندیوں میں ایم کیو ایم کا ووٹ بینک کم کیا گیا ہے، یہ جدوجہد سیاسی فائدہ اٹھانے کیلئے نہیں بلکہ کراچی کے مسائل کے حل کیلئے کر رہے ہیں۔

پیپلزپارٹی اور ن لیگ سے معاہدے پر پچھتا رہے ہیں، تحریک انصاف نے ڈیلیور نہیں کیا، وسیم اختر

وسیم اختر نے کہا کہ میئر کوئی بھی آئے مگر مضبوط ہونا چاہئے جس کے پاس اختیارات ہوں، جماعت اسلامی اور پی ٹی آئی والے چاہتے ہیں بلدیاتی الیکشن جلد از جلد ہو جائیں، یوں لگتا ہے ان دونوں جماعتوں کو کسی نے کہہ دیا ہے کہ تم جیت جاؤ گے۔

ایم کیو ایم رابطہ کمیٹی کے رکن وسیم اختر نے کہا کہ کراچی کی ترقی کیلئے پی ٹی آئی کے اتحادی بنے تھے، سابق وزیراعظم عمران خان سے 4 سال کے دوران کئی میٹنگز ہوئیں، عمران خان کو کراچی کے مسائل کے حوالے سے کئی بار آگاہ کیا، ایم کیوایم نے پیپلزپارٹی کے ساتھ معاہدہ سندھ کے مسائل کے حل کیلئے کیا۔

انہوں ںے کہا کہ بلدیاتی نمائندوں کے پاس اختیارات نہیں ہیں اس سلسلے میں عدالت بھی گئے، عدالت نے کہا بلدیاتی نظام کو مضبوط ہونا چاہیے، ہماری ترجیح بلدیاتی نظام سے متعلق عدالتی فیصلے پرعملدرآمد کروانا ہے۔

سندھ حکومت کی 3 ماہ تک کراچی اور حیدر آباد میں بلدیاتی انتخابات کرانے سے معذرت

وسیم اختر نے پریس کانفرنس سے خطاب کرتے ہوئے کہا کہ آصف زرداری اور بلاول بھٹو کے ساتھ میٹنگز میں بھی مطالبات رکھے گئے، آصف زرداری اور بلاول نے کہا ایم کیوایم کے مطالبات جائز ہیں عملدرآمد ہونا چاہیے، ذاتی مراعات کیلئے نہیں، عوامی مسائل کے حل کیلئے کوشش کر رہے ہیں۔


متعلقہ خبریں