اسلام آباد: سوشل میڈیا ایپلیکیشن واٹس ایپ پاکستان، بھارت، امریکہ سمیت دنیا بھر میں بحال ہونا شروع ہو گئیں۔
سوشل میڈیا ایپلیکیشن واٹس ایپ کی سروسز دو گھنٹے معطل رہنے کے بعد بحال ہو گئیں۔ جس کے بعد صارفین کے ایک دوسرے سے رابطے بحال ہو گئے۔ واٹس ایپ سروس معطل ہونے کی وجہ سے بیشتر اداروں میں کام رک گیا تھا۔
واٹس ایپ دنیا بھر میں ڈاؤن ہونے کے بعد سوشل میڈیا ویب سائٹ ٹوئٹر پر فوری ٹرینڈ کر گیا تھا اور چند لمحوں میں ہی ٹاپ ٹرینڈ بن گیا۔
واٹس ایپ سروس پاکستان، بھارت، مشرق وسطیٰ، یورپ سمیت دنیا کے بیشتر ممالک میں ڈاؤن ہو گئی تھی۔ واٹس ایپ سروس ڈاؤن ہوتے ہی صارفین نے مائیکروبلاگنگ ویب سائٹ ٹوئٹر پر اس مسئلے کی نشاندہی کی اور پاکستان سمیت دنیا بھر سے لوگوں نے بتایا کہ واٹس ایپ گروپس میں میسجز نہیں جا رہے۔
WhatsApp is reportedly down in multiple countries.⛔#WhatsApp #whatsappdown pic.twitter.com/PiFfXxcxRn
— Mobile Marketing Reads (@mmarketingreads) October 25, 2022
واٹس ایپ سروس ڈاؤن ہوتے ہی سوشل میڈیا پر مختلف میمز کی بھرمار ہو گئی تھی۔
People Coming to Twitter to see if WhatsApp is down#WhatsappDown pic.twitter.com/eGi25KiQhU
— Bella Ciao (Chai) (@punjabiii_munda) October 25, 2022
واٹس ایپ بیٹا انفو نے سروس ڈاؤن ہونے کی تصدیق کرتے ہوئے بتایا تھا کہ صارفین کو واٹس ایپ میں مسائل کا سامنا ہے جسے جلد از جلد بحال کر دیا جائے گا۔