اسلام آباد: ایئر پورٹس پر پھنسے ہوئے عازمین حج کو جدہ روانگی کی خصوصی اجازت دے دی گئی ہے۔
مناسک حج کا آغاز، آج 10 لاکھ عازمین حج منیٰ روانہ ہوں گے
ہم نیوز نے وزارت مذہبی امور کے ترجمان کے حوالے سے بتایا ہے کہ وزیر مذہبی امور نے عازمین حج کو خصوصی اجازت دینے پر سعودی عرب کے حکام کا شکریہ ادا کیا ہے۔
ترجمان وزارت مذہبی امور کے مطابق مسئلے کے فوری حل کے لیے پاکستانی سفیر اور حج مشن کی کوششیں قابل تحسین ہیں، اسلام آباد ایئرپورٹ پر موجود 25 سرکاری عازمین حج کو پشاوراورلاہور سے روانہ کیا جا رہا ہے۔
وزارت مذہبی امور کے ترجمان نے بتایا ہے کہ عازمین کو جدہ ایئر پورٹ پر 7 ذوالحجہ کی رات 12 بجے تک اترنے کی خصوصی اجازت ہے، عازمین حج کسی بھی پرواز کے ذریعے جدہ ایئرپورٹ کا سفر کر سکیں گے۔
سعودی حکومت کا رواں سال حج پر غلافہ کعبہ تبدیل نہ کرنے کا فیصلہ
ہم نیوز کے مطابق ترجمان مذہبی امورنے کہا ہے کہ جدہ ایئرپورٹ پر پاکستان حج مشن کا عملہ عازمین حج کی رہنمائی و سہولت کے لیے موجود ہے۔
