قومی احتساب بیورو (نیب) کے چیئر مین جسٹس ریٹائرڈ جاوید اقبال نے اپنے عہدے کا چارج چھوڑ دیا۔
چیئرمین نیب نے اسلام آباد نیب ہیڈ کوارٹر میں افسران سے الوداعی ملاقاتیں بھی کیں، ان کی مدت ملازمت ختم آج ختم ہو رہی تھی۔
کون بنے گا نیا چیئرمین نیب؟ اتحادی جماعتوں نے نام فائنل کر لیا
دوسری جانب ظاہر شاہ نے قائم مقام چیرمین نیب کا چارج سنبھال لیا۔ وہ نیب میں ڈپٹی چیرمین نیب کے عہدے پر فائز ہیں۔
خیال رہے کہ حکومتی اتحادی جماعتوں کی جانب سے نیب کا نام فائنل کر لیا گیا ہے۔
ذرائع کے مطابق سپریم کورٹ کے سابق جج جسٹس ریٹائرڈ مقبول باقر کے نام پر حکومتی اتحادی جماعتوں میں آپس میں اتفاق کیا گیا ہے۔
نیب قوانین میں ترامیم این آر او ہے، کرپشن کے نئے ریکارڈ قائم ہوں گے: عمران خان
مسلم لیگ ن، پیپلز پارٹی اور دیگر اتحادی جماعتوں کے مابین نئے چیئرمین نیب کے نام پر مشاورت ہوئی جس میں جسٹس ریٹائرڈ مقبول باقر کے نام پر اتفاق کیا گیا۔
سابق صدر آصف علی زرداری اور سابق وزیر اعظم نواز شریف نے بھی اس نام پر اتفاق کیا۔
ذرائع کے مطابق قومی اسمبلی میں اپوزیشن لیڈر اور پاکستان تحریک انصاف (پی ٹی آئی) کے منحرف رکن راجہ ریاض بھی جسٹس ریٹائرڈ مقبول باقر کے نام پر اتفاق کریں گے اور جس کے بعد قوی امکان ہے کہ وہی نئے چیئرمین نیب ہوں گے۔
