لاہور: صوبہ پنجاب کے نو منتخب وزیراعلیٰ حمزہ شہباز نے قائد ایوان منتخب کرنے پر پیپلزپارٹی کی قیادت کا شکریہ ادا کرتے ہوئے کہا ہے کہ ایوان میں ہنگامہ آرائی کرائی گئی۔
پرویز الٰہی نے اسمبلی کو بے وقار کیا، علیم خان کے ساتھ بھی دھوکہ ہوا: حمزہ شہباز
ہم نیوز کے مطابق پی پی رہنما حسن مرتضیٰ کی رہائش گاہ پر ذرائع ابلاغ سے بات چیت کرتے ہوئے وزیراعظم میاں شہباز شریف کے صاحبزادے حمزہ شہباز نے استفسار کیا کہ بتایا جائے ایسی کون سی دوائی ہے جس سے 24 گھنٹوں میں ٹوٹا ہواہاتھ ٹھیک ہوگیا؟ قوم کے ساتھ مذاق بند ہونا چاہیے۔
انہوں نے کہا کہ عمران خان نے ملک کی معیشت کا بیڑہ غرق کیا، چودھری سرورکوغیرآئینی کام نہ کرنے پرفارغ کیا گیا، پنجاب اسمبلی میں غنڈوں کوداخل کرایا گیا۔
نو منتخب وزیراعلیٰ حمزہ شہباز نے کہا کہ اتنے دن گزر گئے لیکن پنجاب میں کوئی وزیراعلیٰ نہیں ہے، آج عوام کے گھروں میں بھوک ہے، متحدہ اپوزیشن سب کچھ عوام کے لیے کررہی ہے۔
شہباز شریف پچھلے 30 سال کے توشہ خانہ کی لسٹ جاری کریں، کامل علی آغا
ہم نیوز کے مطابق ن لیگ کے رہنما حمزہ شہباز نے کہا کہ گزشتہ چار سال سے اپوزیشن کو دیوار سے لگایا گیا لیکن آپ کو فارن فنڈنگ اور توشہ خانہ کا حساب دینا ہو گا۔
