لاہور: اسپیکر پنجاب اسمبلی چودھری پرویز الٰہی نے ڈپٹی اسپیکر دوست محمد مزاری کے اختیارات واپس لے لیے ہیں۔ اس حوالے سے باقاعدہ نوٹی فکیشن بھی جاری کردیا گیا ہے۔
ن لیگ کا اسپیکر پنجاب اسمبلی پرویز الہٰی کے خلاف تحریک عدم اعتماد لانے کا فیصلہ
ہم نیوز کے مطابق جاری کردہ نوٹی فکیشن کے تحت اسپیکر نے پنجاب اسمبلی کے آرٹیکل 235 کے تحت ڈپٹی اسپیکر کے اختیارات واپس لے لیے ہیں۔
نوٹیفکیشن میں واضح کیا گیا ہے کہ یہ اختیارات اسپیکر کی ہدایات پر واپس لیے جا رہے ہیں، نوٹیفکیشن کی کاپی تمام متعلقہ ادراوں کو بجھوا دی گئی ہے۔
پی ٹی آئی نے ڈپٹی اسپیکر پنجاب اسمبلی کےخلاف تحریک عدم اعتماد جمع کروادی
ہم نیوز کے مطابق ترجمان پنجاب اسمبلی کا کہنا ہے کہ اختیارات واپس لیے جانے کے بعد اب ڈپٹی اسپیکر اجلاس طلب نہیں کرسکتے ہیں۔
