کوئی آئین کو میلی نگاہ سے دیکھے گا تو ن لیگ کا ورکر سیسہ پلائی دیوار بن جائیگا، احسن اقبال

کوئی آئین کو میلی نگاہ سے دیکھے گا تو ن لیگ کا ورکر سیسہ پلائی دیوار بن جائیگا، احسن اقبال

ٹیکسیلا: پاکستان مسلم لیگ (ن) کے سیکریٹری جنرل احسن اقبال نے کہا ہے کہ شکست عمران نیازی کا مقدر بن چکی ہے، یہ حکومت گرانے یا بنانے کی جدوجہد نہیں ہے، اب ہمیں کسی کرسی کا لالچ نہیں ہے، چاہتے ہیں کہ بچوں کو ایک معاشی طور پر مضبوط ملک دے کرجائیں۔

عمران خان سابق وزیر اعظم ہو چکے ہیں، بلاول بھٹو

ہم نیوز کے مطابق ورکرز کنونشن سے خطاب کرتے ہوئے سابق وفاقی وزیر داخلہ احسن اقبال نے کہا کہ ہماری جدوجہد پاکستان کو ایک کامیاب ریاست بنانے کی ہے، پاکستان دنیا کا ایک ترقی یافتہ ملک بنے گا، ہم آج نواز شریف کی قیادت میں جدوجہد کررہے ہیں۔

انہوں ںے کہا کہ جو ملک اپنے آئین پر چلتا ہے وہ مضبوط ہوتا ہے اور جس ملک کو آئین پر نہیں چلایا جاتا وہ ملک کمزور ہوجاتا ہے، ووٹ کی طاقت ختم ہوتی ہے تو غریب کی طاقت ختم ہوجاتی ہے، ووٹ کی عزت کا مطلب غریب کی عزت ہے۔

ن لیگ کے مرکزی سیکریٹری جنرل احسن اقبال نے کہا کہ اگر کوئی پاکستان کے آئین کو میلی نگاہ سے دیکھے گا تو مسلم لیگ (ن) کا ہر ورکر سیسہ پلائی دیوار بن جائے گا۔

ہم نیوز کے مطابق ورکرز کنونشن سے خطاب کرتے ہوئے ن لیگ کے مرکزی رہنما اور رکن قومی اسمبلی رانا ثنا اللہ نے کہا کہ ہمارا لانگ مارچ 28 مارچ کو راولپنڈی مری روڈ پر پہنچے گا۔

’’گیم از اوور‘‘ نواز شریف نے عمران خان کو گھر میں گھس کر مارا، مریم نواز

انہوں نے کہا کہ مسلم لیگ نے ملکی تاریخ میں دو بار کوشش کی کہ پاکستان ترقی یافتہ ملک بن جائے لیکن دونوں مرتبہ ایک سازش کے تحت ن لیگ کو روکا گیا، قوم سے دھوکہ کیا گیا۔

رانا ثنا اللہ نے کہا کہ پاکستان ایٹمی طاقت بننے والا پہلا اسلامی ملک تھا لیکن اب عام آدمی کیلئے زندگی گزارنا مشکل ہو گیا ہے تو ایسی صورت میں تحریک عدم اعتماد ہی واحد جمہوری راستہ ہے۔

پنجاب کے سابق وزیر قانون رانا ثنا اللہ نے کہا کہ عمران خان کو چاہیے کہ اسمبلی میں اپنی اکثریت ثابت کریں ورنہ استعفیٰ دے دیں، ہم تحریک عدم اعتماد کو کامیاب بنائیں گے۔

انہوں نے کہا کہ شیدا ٹلی کہتا ہے ملیشیا نہیں بن سکتی،ان کے لوگوں کی ڈنڈے تیار کرتی ویڈیو سوشل میڈیا پر وائرل ہے، کیا یہ پرائیویٹ ملیشیا نہیں ہے؟

رکن قومی اسمبلی رانا ثنا اللہ نے کہا کہ انہوں نے ملک کو لوٹا اور کرپشن کا بازار گرم کیا، ملک کی سیاسی اقدار اور اخلاقیات کا بھی جنازہ نکال دیا، قوم کے پاس انہیں نکالنے کے علاوہ کوئی راستہ نہیں ہے، یہ اپنے منحرف اراکین کو دھمکیاں دے رہے ہیں۔

ایم کیو ایم اور اپوزیشن میں ڈیڈ لاک: زرداری و بلاول کا خالد مقبول کو فون، ملاقات کی دعوت

ہم نیوز کے مطابق ورکرز کنونشن سے خطاب کرتے ہوئے ن لیگ کے مرکزی رہنما رانا ثنا اللہ نے کہا کہ لانگ مارچ میں پورا پنجاب راولپنڈی پہنچے گا اور راولپنڈی جلسے میں اپنی بھرپور عوامی طاقت کا مظاہرہ کریں گے۔


متعلقہ خبریں