پاکستانی ٹیم کے وکٹ کیپر بیٹر محمد رضوان بہت کم عرصے میں اپنے شاندار کھیل اور اچھے کردار سے دنیا بھر میں اپنی پہچان بنا چکے ہیں۔
اور اب دنیا بھر میں ان کے مداحوں کی کوئی کمی نہیں، جن میں بڑے بڑے نام بھی شامل ہیں، جن میں ایک نام انگلینڈ کرکٹ ٹیم کی کپتان کا بھی شامل ہو گیا ہے۔ جس کا اظہار انہوں نے خود انگلینڈ کرکٹ بورڈ کے ٹوئٹر اکاؤنٹ سے کیا۔
انگلینڈ کرکٹ بورڈ کے آفیشل آکاونٹ میں کپتان ہیتھر نائٹ نے شائقین سے سوال و جواب کا ایک سیشن کیا۔
Multan Sultans, big fan of Rizwan https://t.co/wBId0crAyJ
— England Cricket (@englandcricket) March 3, 2022
جس میں ان سے کئی سوالات پوچھے گئے، وہیں ایک صارف نے ان سے سوال کیا کہ وہ پی ایس ایل میں کس ٹیم کو سپورٹ کر رہی تھیں؟ جس پر انہوں نے ملتان سلطان کا نام لیا، یہی نہیں انہوں نے اس پسندیدگی کی وجہ بھی بتا دی۔
انہوں نے لکھا کہ وہ محمد رضوان کی بہت بڑی فین ہیں، اور یاد رہے پی ایس ایل میں ملتان سلطانز کی قیادت محمد رضوان ہی کر رہے تھے۔
