پاکستان سپر لیگ کے ساتویں ایڈیشن میں جہاں مداح پشاور زلمی کے کپتان اور کوچ ڈیرن سیمی کی کمی محسوس کر رہے ہیں وہیں ڈیرن سیمی بھی پی ایس ایل کو مس کر رہے ہیں۔
ویسٹ انڈیز کے کرکٹر ڈیرن سیمی اس بار پی ایس ایل کا حصہ نہیں جس کی وجہ سے ان کے مداح اداس ہیں اور ان کی کمی کو محسوس کر رہے ہیں۔
پی ایس ایل 7 کے میچز کے دوران سیمی ڈیرن کے لیے خصوصی ڈسپلے کارڈز بھی دیکھنے کو مل رہیں ہیں جن کے ذریعے شائقین کرکٹ ڈیرن سیمی کو مس کرنے کا پیغام دے رہے ہیں۔
ڈیرن سیمی کے ایسے ہی ایک مداح کی تصویر سوشل میڈیا پر گردش کر رہی ہے جس میں اس نے ڈسپلے کارڈ اٹھا رکھا ہے۔ کارڈ پر مس یو ڈیرن سیمی لالا تحریر کیا گیا ہے۔
ڈیرن سیمی بھی پاکستانی مداح کی محبت کا جواب دیے بغیر نہ رہ سکے۔ انہوں نے مداح کی جانب سے شیئر کی گئی تصویر پر ردعمل دیتے ہوئے کہا ہے کہ میں بھی آپ سب کو بہت مس کر رہا ہوں۔
Miss you all too https://t.co/CsA7eEARXY
— Daren Sammy (@darensammy88) February 2, 2022
واضح رہے کہ پی ایس ایل کے گزشتہ سیزنز میں ڈیرن سیمی پشاور زلمی کی ٹیم کا حصہ رہ چکے ہیں اور مداح ان کے منفرد انداز اور پاکستان سے خصوصی لگاو کی وجہ سے انہیں خوب پسند کرتے ہیں۔