جانوروں کی فوٹو گرافی کے دنیا میں بہت سے غیر متوقع واقعات رونما ہوتے ہیں اس بار مگر مچھ نے ڈرون کیمرہ ہی نگل لیا۔
یہ غیر معمولی واقعہ اس وقت پیش آیا جب آسٹریلوی براڈکاسٹنگ کارپوریشن شمالی علاقہ کے مگرمچھ کے شکار پر پابندی کی 50 ویں سالگرہ کے موقع پر ایک ڈاکومنٹری فلم بنا رہے تھے۔
کارپوریشن کے فوٹوگرافر ڈینی ہورسٹ نے بتایا کہ مگرمچھ نے پانی سے چھلانگ لگائی اور ڈرون کو پکڑ کر پانی کے اندر کھینچ لیا۔ جس کی ویڈیو بھی جاری کی گئی ہے۔
LOOK OUT: Watch the moment a crocodile lunges and bites a drone filming it in Australia. pic.twitter.com/LzNmJFkjEq
— CBS News (@CBSNews) October 1, 2021
فوٹوگرافر کا کہنا تھا کہ باقی تمام مگر مچھ ڈرون سے خوفزدہ تھے لیکن ایک نے اس پر حملہ کر دیا۔
اس نے مزید کہا کہ میں نے اپنے کنسول کی طرف دیکھا جس سے معلوم ہوا کہ اسکرین بغیر سگنل کے تھی اور بغیر کسی رابطے کے تھی۔ تب مجھے احساس ہوا کہ ڈرون ختم ہو چکا ہے۔
