انگلینڈ کرکٹ ٹیم کے سابق کپتان مائیکل وان کا کہنا ہے کہ پاکستان اور انگلینڈ کے درمیان ہونے والی سیریز کو منسوخ نہیں کیا جانا چاہیے۔
اپنی ٹوئٹ میں سابق کپتان کا کہنا تھا کہ انہوں نے کہا کہ اگر سفر کرنا غیر محفوظ ہے تو میچز منسوخ کرنے کے بجائے یو اے ای منتقل کرنے چاہیں۔
It would seem sensible to me to try and move England’s Pakistan games to the UAE rather than cancel the tour if it’s deemed unsafe to travel .. !! Hopefully the games for the Men’s & Women teams can take place rather than a full cancellation ..
— Michael Vaughan (@MichaelVaughan) September 19, 2021
انہوں نے امید ظاہر کی کہ خواتین اور مردوں کی ٹیموں کے مقابلے کینسل نہیں کیے جائیں گے۔
واضح رہے کہ انگلینڈ کرکٹ کرکٹ بورڈ نے نیوزی لینڈ کے اچانک دورہ پاکستان کی منسوخی کے بعد انگلینڈ کی ٹیم کے دورے سے متعلق کہا تھا کہ وہ سکیورٹی معاملات دیکھ رہے ہیں اور 24 سے 48 گھنٹوں کے درمیان دورہ پاکستان سے متعلق فیصلہ کرلیں گے۔
انگلینڈ کرکٹ بورڈ کا دورہ پاکستان سے متعلق اہم بیان سامنے آ گیا
انگلینڈ کی مینز اور وویمن کرکٹ ٹیمیں ایک ساتھ اکتوبر میں پاکستان آنے کا شیڈول ہے۔
انگلینڈ کی مینز اور ویمنز کرکٹ ٹیمیں این مورگن اور ہیتھر نائٹ کی قیادت میں 9 اکتوبر کو اسلام آباد پہنچنی ہیں۔ مردوں کی ٹیم دونوں میچ کھیلنے کے بعد 15 اکتوبر کو اسلام آباد سے دبئی روانہ ہوگی جہاں وہ ٹی 20 ورلڈکپ میں شرکت کرے گی۔
