بین الاقوامی شہرت یافتہ اداکارہ ماہرہ خان نے اپنی پروڈکشن میں بننے والی ویب سیریز ’بارہواں کھلاڑی‘ کا ٹیزر جاری کر دیا ہے۔
ٹیزر میں ایک کھلاڑی کو بیٹھے ہوئے دکھایا گیا جس کے ساتھ کرکٹ کِٹ رکھی گئی ہے۔ کھلاڑی کی شرٹ پہ اس کا نام اکبر لکھا ہوا ہے۔ ماہرہ خان نے ٹیزر کے ساتھ تحریر کیا ’جلد آ رہا ہے‘۔
View this post on Instagram
خیال رہے کہ چند روز قبل ماہرہ خان نے اپنی پروڈکشن میں بننے والی ویب سیریز کا پوسٹر جاری کیا تھا اور مداحوں کو یہ بھی بتایا تھا کہ اُن کی اپنی پروڈکشن میں بننے والی ویب سیریز کھیل پر مبنی ہے جس کا نام ’ بارہواں کھلاڑی‘ ہے۔
’بارہواں کھلاڑی‘ میں گلوکار و اداکار علی ظفر کے بھائی دانیال ظفر بھی اداکاری کے میدان میں ڈیبیو کریں گے جب کہ شاہ ویر جعفری بھی اس ویب سیریز کا حصہ ہوں گے۔
یہ بھی پڑھیں: ماہرہ کی ویب سیریز میں علی ظفر کے بھائی کی انٹری
خبریں زیرِ گردش ہیں کہ بارہواں کھلاڑی میں دانیال کے مدمقابل کنزیٰ ہاشمی اداکاری کے جوہر دکھائیں گی۔
ہم ٹی وی کے ڈرامہ سیریل ’ہمسفر‘ سے شہرت کی بلندیوں کو چھونے والی ماہرہ خان نے سیریز سے متعلق بتایا تھا کہ کرکٹ کے موضوع پر بننے والی اس سیریز کی کہانی دوستی، رشتوں، کامیابی و ناکامی، محبت اور ہمت کے اردگرد گھومتی ہے۔
