سندھ میں کورونا کے باعث مزید 30 اموات رپورٹ


کراچی: سندھ میں کورونا وائرس  کے باعث مزید 30 اموات رپورٹ ہوئے ہیں۔

وزیراعلیٰ سندھ  مراد علی شاہ کے مطابق صوبے میں کورونا وائرس سے اموات کی تعداد 916 ہوگئی ہے۔

انہوں نے کہا کہ کراچی میں کورونا وائرس کے مزید 1423 کیسز سامنے آئے ہیں۔ کراچی میں کورونا کیسز کی تعداد 47 ہزار 914 ہوگئی ہے۔

وزیراعلیٰ سندھ کا کہنا تھا سندھ میں کورونا وائرس کے مزید 2ہزار115کیسز رپورٹ ہوئے ہیں۔ سندھ میں کورونا کیسز کی تعداد 59 ہزار 9 83 ہوگئی ہے۔

وزیراعلیٰ سندھ مراد علی شاہ نے مزید بتایا کہ کورونا کے 626 مریضوں کی حالت تشویشناک ہے۔ کورونا کے 94 مریض وینٹی لیٹرپر ہیں۔

ملک بھر سے کورونا وائرس کے مزید 5 ہزار 839 کیسز رپورٹ ہوئے جس کے بعد متاثرہ افراد کی تعداد ایک لاکھ 54 ہزار 760 ہو گئی ہے۔

نیشنل کمانڈ اینڈ آپریشن سنٹر کی جانب سے جاری کیے گئے اعدادوشمار کے مطابق ملک بھر میں کورونا سے متاثرہ 58 ہزار 437 مریض صحت یاب ہو گئے۔

یہ بھی پڑھیں: دنیا بھر میں کورونا سے اموات کی تعداد 4 لاکھ سے تجاوز کر گئیں

پاکستان کے صوبہ پنجاب میں کورونا کے سب سے زیادہ مریض ہیں جہاں اب تک 58 ہزار 239 کیسز رپورٹ ہو چکے ہیں۔ سندھ میں 57 ہزار 868، خیبرپختونخوا میں 19 ہزار 107، بلوچستان میں 8 ہزار 437، اسلام آباد میں 9 ہزار 242، آزادکشمیر میں 703 اور گلگت بلتستان میں ایک ہزار 164  کیسز رپورٹ ہو چکے ہیں۔

کورونا وائرس کے باعث سب سے زیادہ اموات بھی پنجاب میں ہوئی ہیں جہاں ایک ہزار 149 افراد جان کی بازی ہار چکے ہیں۔ سندھ میں 916، خیبر پختونخوا میں 731، اسلام آباد میں 90، گلگت بلتستان میں 17، بلوچستان میں 89 اور آزاد کشمیر میں 13 افراد کورونا وائرس سے جاں بحق ہو چکے ہیں۔

ملک بھر میں 24 گھنٹوں کے دوران 28 ہزار 117 ٹیسٹ کیے گئے جب کہ مجموعی طور پر 9 لاکھ 50 ہزار 782 ٹیسٹ کیے جا چکے ہیں۔

خیال رہے کہ نئے کیسز میں ایک بار پھرپاکستان دنیا میں چھٹے نمبر پر آگیا ہے جبکہ ایکٹو کیسز میں بھی پاکستان سے صرف پانچ ممالک آگے ہیں۔

گزشتہ روزاموات کے لحاظ سے بھی پاکستان صرف سات ممالک سے پیچھے ہے۔

وزیر اعظم عمران خان کا کہنا ہے کہ آنے والے دنوں میں پاکستان میں کورونا کیسز میں مزید اضافہ ہوگا اور اموات بھی بڑھیں گیں۔


متعلقہ خبریں