پاکستان سپر لیگ (پی ایس ایل) کے پانچویں ایڈیشن کے آفیشل نغمے ’تیار ہیں‘ کو سوشل میڈیا پر شدید تنقید کا نشانہ بنایا جا رہا ہے جو علی ظفر برداشت نہ کر سکے اور گانے اور گلوکاروں کی حمایت میں میدان میں آگئے۔
علی ظفر نے سماجی رابطوں کی ویب سائٹ ٹوئٹر پر شیئر کیے گئے ایک پیغام میں انہوں نے اپنے مداحین کی جانب سے ملنے والے پیار اور حمایت پر شکریہ ادا کیا ہے ساتھ ہی انہیں ایک پیغام بھی دیا ہے۔
گلوکار و اداکار نے تحریر کیا کہ میں آپ سب سے گزارش کرتا ہوں کہ جس طرح آپ نے ہمیشہ مجھے سپورٹ کیا ہے بالکل اسی طرح باقی سب گلوکاروں کی کاوش کو بھی سراہیں۔
“Dear All,
As much as I am thankful for your love and support always, I would urge you all to remain equally appreciable towards efforts by all other artists. We are all one big family. So is PSL. It belongs to Pakistan and so does our music.” AZ #PakistanZindabad #PSL5 #cricket— Ali Zafar (@AliZafarsays) January 30, 2020
انہوں نے مزید لکھا کہ ہم سب ایک خاندان کی طرح ہیں اور پی ایس ایل بھی ہماری فیملی ہے، پی ایس کا تعلق پاکستان سے ہے اور ہماری موسیقی کا بھی۔ پاکستان زندہ باد۔
خیال رہے کہ پی ایس ایل 5 کے نغمے کو عوام کی جانب سے شدید تنقید کا نشانہ بنایا جا رہا ہے۔
عوام گلوکاروں کے ساتھ ساتھ پاکستان کرکٹ بورڈ (پی سی بی ) کی انتظامیہ کو بھی اس گانے کی وجہ سے تنقید کا نشانہ بنا رہے ہیں اور مطالبہ کر رہے ہیں کہ آفیشل نغمہ علی ظفر ہی گائیں۔
