موبائل ایپلیکیشنز کا ڈارک موڈ ان دنوں سوشل میڈیا پر چھایا ہوا ہے، سماجی رابطوں کی ایپلیکیشن انسٹاگرام نے بھی اسی رجحان کی تقلید کرتے ہوئے ڈارک موڈ متعارف کرا دیا ہے۔
انسٹاگرام کی جانب سے متعارف کرایا گیا یہ موڈ روایتی انداز کا حامل نہیں بلکہ اس میں کچھ مختلف بھی ہے۔
ڈارک موڈ بنانے کا اصل مقصد رات کے وقت موبائل فون کے استعمال کو سہل اور آسان بنانا ہے۔
تحقیق سے یہ بات ثابت ہوئی ہے کہ موبائل سے نکلنے والی شعاعیں آنکھوں کے لیے خطرناک ثابت ہو سکتی ہیں مگر وقتی طور پر صارف ڈارک موڈ میں ایپلیکیشن زیادہ دیر تک استعمال کرتا ہے۔
انسٹاگرام نے بھی بِیٹا ورژن میں ڈارک موڈ لانچ کر دیا ہے، صارفین سماجی رابطوں کی اس ایپلیکیشن کے سیاہ موڈ میں آنے پر بہت خوش ہیں اور اس حوالے سے ٹوئٹر پر اپنے جوش و خروش کا اظہار کر رہے ہیں۔
Alright! Finally on official Instagram Dark Mode. Pretty dope. Not completely AMOLED black everywhere, but that’s fine with me. Wayyyyy better than all that white crap.#instagram #darkmode pic.twitter.com/8ZEOFjJUTs
— Varun Mirchandani (@beingmirchi) September 25, 2019
انسٹاگرام کا ڈارک موڈ دراصل مکمل طور پر سیاہ نہیں ہے بلکہ یہ سیاہ اور سرمئی رنگ کا امتزاج ہے جس سے آنکھیں بہت زیادہ متاثر بھی نہیں ہوتیں اور اسے زیدہ دیر استعمال بھی کیا جا سکتا ہے۔
اس فیچر کی ایک اچھی بات یہ بھی ہے کہ اس پہ اپ لوڈ کی گئی تصویر کا بیک گراؤنڈ اگر سفید ہے تو یہ اسے سیاہ نہیں کرتا۔